Thursday, December 22, 2005
The Political Reform Vetoed
Yesterday shd be a big day in HK's politics, that is, the 2007/08 CE Election Bill & the Legco Bill has been vetoed. Sure this is the headliner of all newspaper today, and this shows how poorly written is all HK papers (just so lame-o, all r biased!)... Anyway, this time I think the whole HK is a loser of this 'so-called' argument, i'd describe it like a car crash, but the drivers r still survived, now it shd be better to look forward and hope that HK will hv a universal suffrage ASAP (pls not until 2046). and honestly, i didnt think the Democrats won a 'nice' battle this time... quoting a commentary today from mingpao... i tot Mr Lau's speech is one of the best-said by all those legislative councilors:
劉千石﹕置於天秤中心的視角 和一步一步的政改立場
2005年12月22日
【明報專訊】政改議案被否決，劉千石是唯一投棄權票的泛民主派議員。本版特將其昨日在立法會發言全文刊出(包括其廣東話用語，不作修改)，讓讀者了解這名倡導和解、一度被指會轉軚的議員的心路歷程。 ——編者
無論係經濟改革，定係政治改革，北京都係摸住石頭過河，見步行步。北京對香港政改嘅理解都係一樣，一步一步嘅進行，見一步走一步。西方一人一票民主，係經過長年累月嘅掙扎，先至成為今日看似理所當然嘅歷史產物。中共係用槍桿子取得政權，同西方經由選舉取得政權截然不同，不論對抑或錯，呢個都係我哋要承認嘅歷史發展差異。
一步一步的政改立場
中央政府因過去文化同歷史背景，採取一步一步嘅政改政策。對於一步一步政策，我哋會有兩個睇法﹕第一，行一步總比「停喺度」好﹔第二，一步一步走，要到幾時先到達目標。當然，行一步總比唔行更接近目標。但係對有期待嘅人嚟講，呢個係佢哋應得嘅政治權利，佢哋係有權知道幾時到達目標。一步一步走同定出時間表，兩者係無必然嘅衝突同矛盾。北京喺一步一步嘅政改方向前提下，其實係可以給予時間表。香港人係值得相信，絕大部分香港人喺過去嘅表現，都係克制同理性。普選時間表係眾多市民嘅期盼，而落實時間表，就成為推動政改同我哋努力嘅目標。
78歲老人嘅呼喊令人感慨。其實早喺佢出生以前，即民國二年，國民政府嘅兩個議會——眾議會同參議會——已經由普選產生。回顧近代中國歷史，最大嘅問題就係領袖話點就係點，一個人嘅腦袋代替千萬人嘅腦袋。文化大革命嘅時候，毛澤東一句頂一萬句，係領袖指揮棒發揮最極致嘅時間，亦係中國最悲慘嘅時間。台灣要到80年代末期先開放黨禁，一等就係70幾年。但係我哋今日睇到嘅台灣社會，非藍即綠，亦係由某一兩個領袖話事。新加坡亦係如此。點解華人社會會係咁樣呢﹖我哋缺乏咗啲乜呢﹖答案只有一個，就係欠缺獨立思考，欠缺每個人都應該有不同嘅諗法，唔係跟隨領袖嘅指揮棒。
從12月4日爭取普選遊行同過去種種活動，我哋睇到香港人係有理想同愛香港。有人可以提出政改嘅方案﹔亦有人提出顧及理想同現實之間嘅方案﹔有人可以組政黨，誓不罷休地為理想而爭取﹔有人繼續尋常生活，為維持生計而努力辛勤工作。我哋要做嘅係強調大家共同嘅地方，唔係誇大彼此嘅分歧。香港人共同擁有嘅特點，就係我哋對香港嘅關愛同理想，香港就係我哋每一個人安身立命嘅地方。我哋共同擁有嘅，就係對香港呢一份愛。
我對政改的意見
對於香港政治發展，過去一段時間我曾經不斷向有關方面提出意見﹕第一，可以先實行單普選，先易後難﹔第二，千萬唔好再增加傳統功能團體議席，呢個唔係公平與否嘅問題，而係傳統功能組別，將界別利益凌駕喺整體利益之上。我喺1991年已開始強調呢個睇法。
今次報告書無增加傳統功能議席，將傳統功能組別畫上一句句號，係走前一步。若再增加傳統功能組別議席，係易發難收。另外，增加5個區議會互選嘅議席，都係應該肯定，但保留委任區議員，係我不能接受。
我哋喺20年前已將爭取普選定為目標，雖然我哋唔知道呢條路有幾遠，但我哋唔係光坐喺度等時間表來臨。不過我哋得承認，我哋並未為落實普選，下過好大嘅工夫，創造有利嘅條件。今次我哋爭取普選來臨嘅一天，就唔應該再浪費時間，要認真研究好多尚未得到解決嘅問題。
例如，特首可唔可以係政黨成員呢﹖如果特首唔屬於任何政黨，佢要點樣爭取政黨嘅支持呢﹖佢要喺邊度搵同佢有共同理念、肯榮辱與共嘅執政團隊呢﹖
又或者，行政機關繼續壟斷制定政策嘅權力，咁議員又點樣可以實踐佢哋嘅參選政綱呢﹖如果立法會要有權參與制定政策，咁仲可唔可以好似宜家咁，大部分議員都係兼職問政呢﹖立法會要點樣運作先可以配合到呢﹖例如事務委員會，係咪仲係任由議員自由參與，抑或要某程度反映議會嘅黨派勢力分布呢﹖
又或者，問責官員同公務員應該點分工呢﹖如果公務員要維持政治中立，唔再負責推銷政策，咁問責官員數目係咪應該增加呢﹖而公務員隊伍又有無足夠嘅訓練，面對將來可能出現嘅政黨輪替，需要執行截然不同嘅政策呢﹖
再或者，實行普選之後，我哋點可以喺制度上保障少數人嘅利益呢﹖呢個唔單止係工商界關心嘅課題，其實亦涉及弱勢社群(例如少數族裔同不同性傾向人士)嘅權益。
雖然以上嘅問題唔係落實普選嘅前提，但我哋都要認真討論，而無論幾時落實普選都好，我哋都應該盡快達至共識。
置於天秤中心的視角
同樣重要嘅係，我哋要喺尋常日子中，實踐接納同包容嘅生活態度。
我曾經以家庭嘅比喻嚟說明中央同香港嘅關係。中港關係恍如大家庭裏嘅家長同家庭成員，無論家庭中有聽話嘅，或者調皮搗蛋嘅，都係家庭成員嘅一分子。喺過去，呢個家長可能比較喜歡聽話嘅家庭成員，喜愛親中派同工商界。用一個天秤做比喻，佢並非企喺天秤嘅中間。但喺呢一年間，我哋見到佢向天秤中心移動，畢竟，佢嘗試維持企喺天秤中心嘅視角。呢種向天秤中心嘅移動，對既得利益者有必然嘅影響。佢向天秤中心嘅移動，係值得我哋給與適當嘅肯定。同樣，呢次政改方案，亦係將原來傾斜親中派同工商界一邊，稍為移向中間，不過我哋期望法碼再向另一方移動。結果爭持不下，天秤倒下。
呢一年間，我哋見證咗北京對香港同民主派嘅基本改變。北京係親中派嘅政府，亦係民主派嘅政府。佢就係嘗試以天秤中心嘅視角去看待香港。我十分珍惜呢種改變，最少呢種持平嘅視角比傾向天秤一邊更為理想。更重要嘅係，呢種家庭關係嘅發展，最少北京唔會輕易指摘持不同意見者係反中亂港，最少我哋亦唔會動輒攻擊北京摧毀一國兩制。將以往嘅敵我關係，變成大家庭成員嘅關係，對香港、甚至大陸嘅民主進程，都有極大幫助。香港民主發展對大陸民主發展起住示範作用，我哋都係大家庭嘅一分子，係過程中努力嘗試，尋找出路。我相信，大陸嘅民主化，亦係你、我所希望嘅。而且我哋都明白，中央同香港民主派嘅關係惡化，只會阻礙民主發展，百害而無一利。
然而，係討論政改嘅過程中，我哋好快就進入一種互不信任嘅前提判斷。我當然明白，從過去中共嘅歷史，以及種種災難性嘅政治運動，從我哋自身嘅經驗，我哋好容易作出呢種判斷。因此，無論佢做得有幾啱，但因為係佢，我哋就覺得唔妥當，就對佢唔信任，就要同佢作對。若我哋真嘅持有呢種前設，否定佢嘅本質，我哋可以做嘅，就係採取革命手段去推翻呢個政權。但係，呢種以革命推翻嘅手法，並唔係我哋所想，亦唔係我哋有能力做到。
我認為宜家係好值得反省嘅時刻。如果我哋都希望成為一家人，成為大家庭嘅一分子，大家嘅共同點都係為呢個家庭好，最重要嘅就係願意承認每個家庭成員都有犯錯嘅時候，尤其係喺整個民主發展嘅過程中，自己唔一定擁有無上嘅真理。我哋宜家要做判斷，係要基於佢當前所做嘅一切，而唔係因為佢嘅過去，命定佢嘅本質。誠然，我哋對中共嘅理解，亦唔係鐵板一塊，我哋對胡耀邦，有好好嘅評價。因此，做得好嘅，我哋要願意欣賞，無需要等到佢哋下台先欣賞，甚至死後先哀悼。過去一年，國家副主席曾慶紅對港澳事務，採取開放同包容嘅政策，係值得肯定同支持，係應該繼續發展嘅。
對於我哋嚟講，和諧嘅社會就係爭取公義同民主。然而，對於擁有如此複雜歷史背景嘅中國嚟講，和諧社會就係唔再以政治運動同階級鬥爭為綱打擊他人。我覺得呢個已經係一個進步，係值得我哋欣賞。唯有建立互相欣賞、互相信任嘅基礎，先係邁進民主嘅重要一步。
自政改報告出籠以來，傳媒也好，市民也好，政府也好，似乎都把焦點放係邊個支持、邊個反對、邊個轉軚。我關心嘅係各方能否找到共識，為香港嘅民主走出一大步。然而痛心嘅係，無論呢次政改方案係獲得通過抑或被否決，都有一半人會失望。
我哋實在需要更多嘅互諒互讓，我哋實在需要更多嘅顧全大局。所以我呢一票只能空白。我知道我咁樣投票，必然會招來嚴厲嘅批評同痛罵﹔然而，我會對呢啲批評同痛罵，當作對我自己唔能夠改變呢種情况嘅一種懲罰，亦都作為我對北京唔會因為呢次政改結果而改變開放包容立場嘅期望。
劉千石﹕置於天秤中心的視角 和一步一步的政改立場
2005年12月22日
【明報專訊】政改議案被否決，劉千石是唯一投棄權票的泛民主派議員。本版特將其昨日在立法會發言全文刊出(包括其廣東話用語，不作修改)，讓讀者了解這名倡導和解、一度被指會轉軚的議員的心路歷程。 ——編者
無論係經濟改革，定係政治改革，北京都係摸住石頭過河，見步行步。北京對香港政改嘅理解都係一樣，一步一步嘅進行，見一步走一步。西方一人一票民主，係經過長年累月嘅掙扎，先至成為今日看似理所當然嘅歷史產物。中共係用槍桿子取得政權，同西方經由選舉取得政權截然不同，不論對抑或錯，呢個都係我哋要承認嘅歷史發展差異。
一步一步的政改立場
中央政府因過去文化同歷史背景，採取一步一步嘅政改政策。對於一步一步政策，我哋會有兩個睇法﹕第一，行一步總比「停喺度」好﹔第二，一步一步走，要到幾時先到達目標。當然，行一步總比唔行更接近目標。但係對有期待嘅人嚟講，呢個係佢哋應得嘅政治權利，佢哋係有權知道幾時到達目標。一步一步走同定出時間表，兩者係無必然嘅衝突同矛盾。北京喺一步一步嘅政改方向前提下，其實係可以給予時間表。香港人係值得相信，絕大部分香港人喺過去嘅表現，都係克制同理性。普選時間表係眾多市民嘅期盼，而落實時間表，就成為推動政改同我哋努力嘅目標。
78歲老人嘅呼喊令人感慨。其實早喺佢出生以前，即民國二年，國民政府嘅兩個議會——眾議會同參議會——已經由普選產生。回顧近代中國歷史，最大嘅問題就係領袖話點就係點，一個人嘅腦袋代替千萬人嘅腦袋。文化大革命嘅時候，毛澤東一句頂一萬句，係領袖指揮棒發揮最極致嘅時間，亦係中國最悲慘嘅時間。台灣要到80年代末期先開放黨禁，一等就係70幾年。但係我哋今日睇到嘅台灣社會，非藍即綠，亦係由某一兩個領袖話事。新加坡亦係如此。點解華人社會會係咁樣呢﹖我哋缺乏咗啲乜呢﹖答案只有一個，就係欠缺獨立思考，欠缺每個人都應該有不同嘅諗法，唔係跟隨領袖嘅指揮棒。
從12月4日爭取普選遊行同過去種種活動，我哋睇到香港人係有理想同愛香港。有人可以提出政改嘅方案﹔亦有人提出顧及理想同現實之間嘅方案﹔有人可以組政黨，誓不罷休地為理想而爭取﹔有人繼續尋常生活，為維持生計而努力辛勤工作。我哋要做嘅係強調大家共同嘅地方，唔係誇大彼此嘅分歧。香港人共同擁有嘅特點，就係我哋對香港嘅關愛同理想，香港就係我哋每一個人安身立命嘅地方。我哋共同擁有嘅，就係對香港呢一份愛。
我對政改的意見
對於香港政治發展，過去一段時間我曾經不斷向有關方面提出意見﹕第一，可以先實行單普選，先易後難﹔第二，千萬唔好再增加傳統功能團體議席，呢個唔係公平與否嘅問題，而係傳統功能組別，將界別利益凌駕喺整體利益之上。我喺1991年已開始強調呢個睇法。
今次報告書無增加傳統功能議席，將傳統功能組別畫上一句句號，係走前一步。若再增加傳統功能組別議席，係易發難收。另外，增加5個區議會互選嘅議席，都係應該肯定，但保留委任區議員，係我不能接受。
我哋喺20年前已將爭取普選定為目標，雖然我哋唔知道呢條路有幾遠，但我哋唔係光坐喺度等時間表來臨。不過我哋得承認，我哋並未為落實普選，下過好大嘅工夫，創造有利嘅條件。今次我哋爭取普選來臨嘅一天，就唔應該再浪費時間，要認真研究好多尚未得到解決嘅問題。
例如，特首可唔可以係政黨成員呢﹖如果特首唔屬於任何政黨，佢要點樣爭取政黨嘅支持呢﹖佢要喺邊度搵同佢有共同理念、肯榮辱與共嘅執政團隊呢﹖
又或者，行政機關繼續壟斷制定政策嘅權力，咁議員又點樣可以實踐佢哋嘅參選政綱呢﹖如果立法會要有權參與制定政策，咁仲可唔可以好似宜家咁，大部分議員都係兼職問政呢﹖立法會要點樣運作先可以配合到呢﹖例如事務委員會，係咪仲係任由議員自由參與，抑或要某程度反映議會嘅黨派勢力分布呢﹖
又或者，問責官員同公務員應該點分工呢﹖如果公務員要維持政治中立，唔再負責推銷政策，咁問責官員數目係咪應該增加呢﹖而公務員隊伍又有無足夠嘅訓練，面對將來可能出現嘅政黨輪替，需要執行截然不同嘅政策呢﹖
再或者，實行普選之後，我哋點可以喺制度上保障少數人嘅利益呢﹖呢個唔單止係工商界關心嘅課題，其實亦涉及弱勢社群(例如少數族裔同不同性傾向人士)嘅權益。
雖然以上嘅問題唔係落實普選嘅前提，但我哋都要認真討論，而無論幾時落實普選都好，我哋都應該盡快達至共識。
置於天秤中心的視角
同樣重要嘅係，我哋要喺尋常日子中，實踐接納同包容嘅生活態度。
我曾經以家庭嘅比喻嚟說明中央同香港嘅關係。中港關係恍如大家庭裏嘅家長同家庭成員，無論家庭中有聽話嘅，或者調皮搗蛋嘅，都係家庭成員嘅一分子。喺過去，呢個家長可能比較喜歡聽話嘅家庭成員，喜愛親中派同工商界。用一個天秤做比喻，佢並非企喺天秤嘅中間。但喺呢一年間，我哋見到佢向天秤中心移動，畢竟，佢嘗試維持企喺天秤中心嘅視角。呢種向天秤中心嘅移動，對既得利益者有必然嘅影響。佢向天秤中心嘅移動，係值得我哋給與適當嘅肯定。同樣，呢次政改方案，亦係將原來傾斜親中派同工商界一邊，稍為移向中間，不過我哋期望法碼再向另一方移動。結果爭持不下，天秤倒下。
呢一年間，我哋見證咗北京對香港同民主派嘅基本改變。北京係親中派嘅政府，亦係民主派嘅政府。佢就係嘗試以天秤中心嘅視角去看待香港。我十分珍惜呢種改變，最少呢種持平嘅視角比傾向天秤一邊更為理想。更重要嘅係，呢種家庭關係嘅發展，最少北京唔會輕易指摘持不同意見者係反中亂港，最少我哋亦唔會動輒攻擊北京摧毀一國兩制。將以往嘅敵我關係，變成大家庭成員嘅關係，對香港、甚至大陸嘅民主進程，都有極大幫助。香港民主發展對大陸民主發展起住示範作用，我哋都係大家庭嘅一分子，係過程中努力嘗試，尋找出路。我相信，大陸嘅民主化，亦係你、我所希望嘅。而且我哋都明白，中央同香港民主派嘅關係惡化，只會阻礙民主發展，百害而無一利。
然而，係討論政改嘅過程中，我哋好快就進入一種互不信任嘅前提判斷。我當然明白，從過去中共嘅歷史，以及種種災難性嘅政治運動，從我哋自身嘅經驗，我哋好容易作出呢種判斷。因此，無論佢做得有幾啱，但因為係佢，我哋就覺得唔妥當，就對佢唔信任，就要同佢作對。若我哋真嘅持有呢種前設，否定佢嘅本質，我哋可以做嘅，就係採取革命手段去推翻呢個政權。但係，呢種以革命推翻嘅手法，並唔係我哋所想，亦唔係我哋有能力做到。
我認為宜家係好值得反省嘅時刻。如果我哋都希望成為一家人，成為大家庭嘅一分子，大家嘅共同點都係為呢個家庭好，最重要嘅就係願意承認每個家庭成員都有犯錯嘅時候，尤其係喺整個民主發展嘅過程中，自己唔一定擁有無上嘅真理。我哋宜家要做判斷，係要基於佢當前所做嘅一切，而唔係因為佢嘅過去，命定佢嘅本質。誠然，我哋對中共嘅理解，亦唔係鐵板一塊，我哋對胡耀邦，有好好嘅評價。因此，做得好嘅，我哋要願意欣賞，無需要等到佢哋下台先欣賞，甚至死後先哀悼。過去一年，國家副主席曾慶紅對港澳事務，採取開放同包容嘅政策，係值得肯定同支持，係應該繼續發展嘅。
對於我哋嚟講，和諧嘅社會就係爭取公義同民主。然而，對於擁有如此複雜歷史背景嘅中國嚟講，和諧社會就係唔再以政治運動同階級鬥爭為綱打擊他人。我覺得呢個已經係一個進步，係值得我哋欣賞。唯有建立互相欣賞、互相信任嘅基礎，先係邁進民主嘅重要一步。
自政改報告出籠以來，傳媒也好，市民也好，政府也好，似乎都把焦點放係邊個支持、邊個反對、邊個轉軚。我關心嘅係各方能否找到共識，為香港嘅民主走出一大步。然而痛心嘅係，無論呢次政改方案係獲得通過抑或被否決，都有一半人會失望。
我哋實在需要更多嘅互諒互讓，我哋實在需要更多嘅顧全大局。所以我呢一票只能空白。我知道我咁樣投票，必然會招來嚴厲嘅批評同痛罵﹔然而，我會對呢啲批評同痛罵，當作對我自己唔能夠改變呢種情况嘅一種懲罰，亦都作為我對北京唔會因為呢次政改結果而改變開放包容立場嘅期望。
# posted by robii : 10:29 PM
